АЛМАТЫ. ҚазАқпарат – Алматыда бір тәулікте 15 адам коронавирус жұқтырды. Оның 11-інде симптом бар, 4-еуінде ауру белгілері жоқ. Бұл туралы қалалық қоғамдық денсаулық сақтау басқармасынан мәлім етті, деп хабарлайды ҚазАқпарат тілшісі.
9 адам жазылып шықса, 11 адам ауруханаға жаңадан түсті.
400 төсек-орындық инфекциялық стационарларда 96 адам жатыр, оның ішінде 11 бала бар.
Жалпы реанимация және қарқынды терапия бөлімшесінде 10 адам жатыр.
4 науқас жасанды тыныс алу аппаратына қосылған. High flow-да 2 аппарат жұмыс істейді. Медициналық-санитариялық алғашқы көмек мобильді бригадаларының және Телемедицина орталығының амбулаториялық бақылауында 181 науқас бар. Оның ішінде жеңіл және орташа ауыр жағдайда – 164 науқас, симптомсыз 17 науқас бар.
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.