Оның сөзінше, Алматыда кәмелетке толмағандар арасындағы құқық бұзушылықтың алдын алудың негізгі тетіктерінің бірі – қала және аудан әкімдіктері жанындағы кәмелетке толмағандар істері мен олардың құқықтарын қорғау жөніндегі ведомствоаралық комиссиялармен өзара іс-қимыл жасау болып табылады.
Жыл басынан бұл комиссиялардың отырыстарында кәмелетке толмағандардың мүддесіне қатысты 297 материал қаралған.
«Нәтижесінде 29 алматылыққа ата-ана құқығынан айыру түріндегі шектен тыс шара қолданылды. 2 255 ата-ана бала тәрбиелеу жөніндегі міндетті тиісінше орындамағаны үшін әкімшілік жауапқа тартылды. 12 жасөспірім девиантты мінез-құлықты балаларға арналған арнайы білім беру ұйымына, кәмелетке толмаған бір жасөспірім ерекше режимдегі арнайы білім беру ұйымына жіберілді», – деді ол.