АЛМАТЫ. ҚазАқпарат – Төтенше жағдайдың жариялануына байланысты табысынан айырылған 441 мыңнан астам алматылық 42 500 теңге көлемінде мемлекеттік әлеуметтік көмек алды, деп хабарлайды ҚазАқпарат тілшісі.
Қала әкімдігі таратқан ақпаратқа сәйкес, жалпы 18,8 млрд теңге 441 736 адамға берілген. Бірінші айда - 371 933 адам, екінші айда 69 803 адам алды. Сонымен қатар, 15 мыңнан астам тұрғын алған қаржыны қайтарып берген.
Өтінімдерді қайта қарау жұмыстары әлі де жалғасуда. Түрлі себептермен әлеуметтік төлем ала алмаған тұрғындар үшін өтініштерді қарау тәртібі бекітілді. О л үшін азаматтар штабқа кірістерін жоғалтқанын растайтын құжаттарды өткізу қажет. Өтінішті қалалық Әлеуметтік әл-ауқат басқармасы қабылдайды.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.