Алматыда 7905 түлек мектебімен қоштасты
2014-2015 оқу жылының аяқталуына орай ұйымдастырылған осындай шаралардың бірі №90 мамандандырылған мектеп лицейінде өтті. Жиынға қала басшысы Ахметжан Есімов қатысты.
«Бұл күні қала түлектері үшін өте маңызды күн. Биылғы оқу жылында мектептен 7905 түлек қанаттанып ұшып барады. Олардың 6221-і ҰБТ тапсыруға дайындалып жатыр. Яғни, 80 пайызы. Алматы талапкерлері ҰБТ қорытындысы бойынша үшінші жыл көшбасшы болып келеді. Ал осы мектептің түлектері осымен 10 жыл бойы ең үздік нәтиже көрсетіп келеді. Менің ойымша, келер жылы да осы нәтижеден төмен түспейміз», - деді қала әкімі.
Қала басшысы түлектерге ақ жол тілеп, мерекелік концертті тамашалады.
ҰБТ ағымдағы жылы Ұлттық бірыңғай тестілеуді өткізу ережесіне сәйкес орнатылған мерзімінде, маусым айының 1-15 аралығында республиканың облыс және аудан орталығында орналасқан 165 ҰБТ өткізу пункттерінде (ҰБТӨП) өткізіледі.
Ағымдағы жылы тестілеуді өткізу форматының өткен жылдардағы тестілеуді өткізуден айырмашылығы болмайды.