АЛМАТЫ. ҚазАқпарат – Алматыда COVID-19 вирусын жұқтырудың жаңадан 23 жағдайы анықталды, оның барлығы індет жұқтырған науқаспен байланыста болғандар. Бұл туралы қалалық қоғамдық денсаулық сақтау басқармасы мәлім етті, деп хабарлайды ҚазАқпарат тілшісі.
«Олардың ішінде 17 әйел, 5 ер адам және 6 жасар бала бар. Жаңадан анықталғандардың арасында 97 жастағы зейнеткер әже де бар»,– деп хабарлайды Алматы қалалық қоғамдық денсаулық сақтау басқармасы.
Қалалық денсаулық сақтау басқармасының мәліметінше, бүгінгі күні жұқпалы аурулар стационарларында 717 адам бар. Науқастардың жай-күйі әзірге өзгеріссіз, бір адамда – өте ауыр, 23 адамда – ауыр, 200 адамда – орташа ауырлық дәрежесінде, қалғандарында – қанағаттанарлық.
Жалпы, 25 сәуірге Алматыда коронавирустық инфекцияны жұқтырудың расталған 814 жағдайы тіркелді.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.