Алматы қаласы ІІД баспасөз қызметінің хабарлауынша, 3 наурыз күні полицейлер Алматы әкімдігі аумағында арнайы рейд шарасын жүргізген.
«Арнайы батальон инспекторлары жүргізілген рейдтің алғашқы сағатында-ақ 29 заң бұзуды анықтады. Бүгінгі күннің қорытындысы бойынша, рұқсат етілмеген орындарға көліктерін қалдырғаны үшін ҚР ӘҚБ туралы кодексінің 597-бабына сәйкес, 59 әкімшілік хаттама толтырылды. Төрт көлік айып тұрағына жеткізілді. Алматының көлік көп жүретін аумақтарында ақылы тұрақ ашылған. Алайда, кейбір азаматтар заңнан аттап, машиналарын рұқсат етілмеген орындарға қалдырып кетеді», - деді Алматы қаласы ІІД Әкімшілік басқарма басшысы Нұрлан Алмасбеков.
Сонымен қатар, ол әкімшілік полиция «Парковка» жедел-алдын алу шарасын жиі өткізіп тұратынын айтты.
Айта кетейік, Алматыда енгізілген ақылы тұрақтың құны сағатына 100 теңге.