Әкімдіктің мәліметінше, Торайғыров көшесінен Достық даңғылына дейінгі даңғылдың оңтүстік жағына полимерлі асфальтбетон төсеу жұмыстары аяқталды.
Онда қозғалыс ашық. Назарбаев және Достық даңғылдарындағы бұрылыстар жөнделді.
Келесі кезең – даңғылдың солтүстік жағындағы орташа жөндеу.
«22 шілде сағат 23:00-ден 24 шілде сағат 07:00-ге дейін әл-Фараби даңғылының Жарбұлақ өзенінен Сейфуллин даңғылына дейінгі батыс бағытта қозғалыс толығымен жабылады. Жарбұлақ өзенінен Марков көшесі аралығында реверсивті қозғалыс ұйымдастырылады. Жол қозғалысы қауіпсіздігін патрульдік полиция қызметкерлері қамтамасыз етеді. Әл-Фараби даңғылының көлік магистралі бойынша жол жөндеу жұмыстары кестеге сәйкес жүргізіледі және оқу жылы басталғанға дейін аяқталады», - деп хабарлады Алматы әкімдігі.
Әкімдік қала тұрғындарын көлікпен жүру маршрутын алдын ала жоспарлап алуды сұрады.