АЛМАТЫ. ҚазАқпарат – Алматыда Армениядан әкелінген көліктерді тіркеу үшін мереке күндері екі арнайы халыққа қызмет көрсету орталығы жұмыс істейді, деп хабарлайды ҚазАқпарат тілшісі.
«Алматы қалалық әкімшілік полиция басқармасы Армения Республикасынан әкелінген автокөліктерді тіркеу үшін «Саялы» ықшамауданы, Ақ-Қайнар көшесі №1 үй және Майлин көшесі, №85 үй мекенжайы бойынша орналасқан екі арнайы ХҚО-ның 30 және 31 тамызда жұмыс істейтіндігін хабарлайды» делінген полиция таратқан ақпаратта.
Еске салайық, Армения Республикасынан 2020 жылдың 1 ақпанына дейін кіргізілген көліктерді тіркеу мерзімі 1 қыркүйекте аяқталады.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.