АЛМАТЫ. ҚазАқпарат - Алматыда ата-аналармен және мұғалімдермен кері байланыс орнату үшін Білім басқармасында, аудандық білім бөлімдерінде және әрбір білім беру ұйымдарында бірнеше call-орталықтары іске қосылады, онда сұрақтарға жауап немесе кеңес алуға болады. Бұл туралы қалалық білім басқармасының басшысы Ләззат Жылқыбаева айтты, деп хабарлайды ҚазАқпарат тілшісі.
Оның айтуынша, Сall-орталықтарының телефон номерлері Білім басқармасының, аудандық білім бөлімдерінің және барлық білім беру ұйымдарының ресми сайттарында, әлеуметтік желілерде орналастырылады.
«Бүгінгі мүмкіндікті пайдалана отырып, біз барлық ата-аналар мен білім беру ұйымдарының қызметкерлеріне қауіпсіздік шараларын және санитарлық талаптарды қатаң сақтауға шақырамыз»,- деп атап өтті Ләззат Жылқыбаева.
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.