Алматыда автобус пен көлік соқтығысып, жүргізуші қаза болды
19:45, 09 Қазан 2017
АЛМАТЫ. ҚазАқпарат - Алматыда көлікпен бетпе-бет соғысқан автобус жүргізушісі сол жерде жан тəсілім етті, деп хабарлайды ҚазАқпарат тілшісі.
Қайғылы оқиға Вокзальная көшесінде болған. Оңтүстік бағытта қозғалған 104 маршрут автобусы ВАЗ көлігімен бетпе бет соғылған.
Жол апатынан автобустың 4 жолаушысы жараланды. Оларды жедел жəрдем ауруханаға алып кетті.
Ал автобус жүргізушісі сол жерде жантəсілім етті.