АЛМАТЫ. ҚазАқпарат- Алматы әкімдігінің инфляцияны бәсеңдету бойынша қабылдаған шаралары оң нәтиже көрсетіп отыр. Бұл туралы Алматы әкімі Ерболат Досаев 18 тамыз күні Қазақстан Президенті Қасым-Жомарт Тоқаевқа есеп беру барысында айтты, деп хабарлайды ҚазАөпарат тілшісі.
Қала басшысы нарықты қанықтыру және реттеу азық-түлік инфляциясы қарқынын 2023 жылғы қаңтардағы 24,3%-дан 11,7%-ға дейін төмендетуге мүмкіндік бергенін атап өтті.
«Жылдық көрсеткіш - 14,2 пайыз. Ағымдағы инфляция деңгейінің ең маңызды факторлары - биыл жылдың басынан бастап жанар-жағармай бағасының өсуі және 2023 жылдың 1 шілдесінен бастап «Тарифті инвестицияға айырбастау» саясатын іске асыру болды», – деп атап өтті Алматы әкімі Ерболат Досаев.
Байқалған үрдістерді ескере отырып, 2023 жылдың қорытындысы бойынша мегаполис экономикасының өсуі 5,5% деңгейінде күтіліп отыр.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.