Алматыда байкер бойжеткен апатқа ұшырады

Фото: None
АЛМАТЫ. ҚазАқпарат - Алматыда байкер бойжеткен апатқа ұшырады, деп хабарлайды ҚазАқпарат тілшісі оқиға орнынан.

Жол апаты Сәтпаев пен Щепетков көшелерінің қиылысында болған.

Щепетков көшесімен келе жатқан бойжеткен Сәтпаев көшесіне солға бұрылмақ кезде рөлден айрылып қалған. Жылдамдықтың әсерінен екі дөңгелекті көлік қарама қарсы келе жатқан джипке соғылады.

Соққы байкер қыздың басына тура келген.

Абырой болғанда басында қорғаныш шлемі болғандықтан қыз ауыр жарақат алған жоқ. Алайды оқиға орнына жеткен дәрігерлер бойжеткенді ауруханаға алып кетті.