Қала әкімдігінің мәліметінше, бірнеше рет ескертуге қарамастан, кәсіпкерлер белгіленген жұмыс уақытын бұзуды, үйлену тойлары мен өзге де мерекелерді ұйымдастыруды жалғастыруда. Сонымен қатар, инспекторлар қоғамдық көлікте тексеру жүргізіп, бетперде режимін бұзушыларды анықтауда.
Аудандық әкімдіктердің, жергілікті полиция қызметінің қызметкерлерінен, «Атамекен» кәсіпкерлер палатасының өкілдерінен тұратын мониторингтік топтардың тексеру нәтижелері бойынша 63 хаттама жасалды, оның ішінде заңды тұлғаларға 2348 185 теңге сомасында 7 айыппұл салынды. Жеке тұлғаларға қатысты маска режимін бұзғаны үшін 39 хаттама толтырылып, 494 035 теңге көлемінде айыппұл салынды.
Алматыдағы сауда мекемелерінде, қоғамдық көліктерде және қоғамдық тамақтану орындарында COVID-19 бойынша эпидемияға қарсы талаптардың сақталуына күн сайын мониторинг жүргізіледі. Мысалы, 5-8 тамыз аралығында заңды тұлғалар 83 заңбұзушылықты анықтады. Өткен аптада бақылау топтары қоғамдық көліктерде маска режимінің сақталуын тексерді. 110 -нан астам автобус тексерілді, 23 адамға қатысты ҚР ӘҚБтК 1-бөлімінің 425-бабы бойынша әкімшілік хаттамалар жасалды.
Келесі автобус бағыттарында бұзушылықтар анықталды: 1, 98, 32, 123, 79, 11, 9, 45, 22, 135, 105, 201, 7, 126, 60, 114, 25, 5, 5В, 29, 65 , 37, 205, 224, 20, 148, 38, 62, 210, 45, 18. Барлық материалдар тиісті шаралар қолдану үшін аудандық санитарлық-эпидемиологиялық бақылау бөлімдеріне жіберілді.
Еске салсақ, қазіргі уақытта Алматы «қоңыр қызыл аймақта». Осыған байланысты аурудың таралуын болдырмау үшін бірқатар шектеу шаралары іске асуда.
Оңтүстік астанада өткен аптада бірнеше той анықталды.
Сонымен, 5 тамызда Наурызбай ауданында сағат 16.09 шамасында Қалқаман шағын ауданындағы «Мара» мейрамханасында 40 адамның қатысуымен мерекелік шара өтті.
7 тамызда Медеу ауданында сағат 00.31 шамасында «Billionaire» караоке-бары жұмыс істеді, онда шамамен 40 адам болды.
Дәл сол күні Алмалы ауданында «Premier Hall» мейрамханасында заңбұзушылық тіркелді, онда 100 қонақтың қатысуымен той өтті.
Алмалы ауданында 7 тамызда шамамен 21.24 сағатта «Крыша Мира» барында бұзушылық тіркелді, онда бір мезгілде 300-ге жуық адам болды.
7 тамызда Бостандық ауданында сағат 14.10 шамасында «Bi Kumis Restauran» мейрамханасының салтанат залында 150 адамның қатысуымен той өтіп, заңбұзушылық тіркелді.
Медеу ауданының мониторингтік тобы 08.08.21 ж. «Рояль тулип» қонақүй кешенінің аумағында «Black star burger» өкілдері шара өткізген. Құқық бұзушылық фактісі бойынша «Рояль тулип» және «Black star burger» қонақүй кешенінің өкілдерінен түсіндірме алынды.
Еске салсақ, Алматыда эпидемиологиялық ахуал ушығып тұр, күніне 1500-ден астам жағдай тіркеледі, сәйкесінше ауруханаға жатқызу саны артып келеді. Бүгінде жұқпалы аурулар ауруханаларында 5 591 адам бар, олардың 187-сі балалар. Реанимацияда 397 пациент бар, 63 адам ӨЖЖ аппратына, 159 инвазивті емес ӨЖЖ аппаратына, High flow аппаратына 152 адам қосылған. АМСАК пен Телемедицина орталығының мобильді топтары 11624 пациентті үйлерінде бақылауда.
Еламан Тұрысбеков