АЛМАТЫ. ҚазАқпарат - Алматы полициясы деструктивті діни ағымның жақтаушысынан үйде жасалған револьверді тәркіледі, деп хабарлайды ҚазАқпарат тілшісі.
Алматы қалалық полиция департаментінің мәліметінше, күдікті арнайы «Қару» жедел-профилактикалық іс-шарасы барысында ұсталған.
«Белгілі болғандай, ұсталған адам деструктивті діни ағымды ұстанушы болып шықты. Жүргізілген сараптама нәтижесі бойынша тәркіленген тапанша қолдан жасалған 5,6 мм калибрлі екен. Ол атуға жарамды», - деп хабарлады Алматы полиция департаментінің баспасөз қызметі.
Күдікті - Түркістан облысының 24 жастағы тумасы қамауға алынды.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.