АЛМАТЫ. ҚазАқпарат —Жол жөндеу жұмыстарына байланысты № 27 және 118 бағытындағы автобустардың бағыты ауысады, деп хабарлайды ҚазАқпарат тілшісі.
Алматы қаласының көлік холдингі хабарлағандай, «Әділет авто» ЖШС-нің №27 және «АлматыЭлектроТранс» ЖШС-нің №118 автобустары қозғалыс сызбасын уақытша өзгертті.
Енді олар Алатау көшесімен жүріп бара жатқанда Сәбденов көшесіне бұрылмай, бірден Райымбек даңғылына дейін барады.
№27 автобус қолданыстағы сызба бойынша жүреді.
№118 автобус Райымбек даңғылынан Жуалы көшесіне бұрылады, содан кейін Жақыбаев көшесіне шығады, әрі қарай сызба бойынша жүреді.
Кері бағыттағы қозғалыс өзгеріссіз қалады.
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.