АЛМАТЫ. ҚазАқпарат – Алматыда жолдың бойында тұрған көлікті екі жігіт қиратып кетті, деп хабарлайды ҚазАқпарат тілшісі.
Алматы көшелерінің бірінде тұрған көліктің алдыңғы терезесін екі жігіттің қиратқаны туралы видео әлеуметтік желіде тарады. Алматы қалалық полиция департаменті аталған дерек бойынша Алмалы аудандық полиция басқармасы тексеріс жүргізгенін хабарлады.
«Көлік иесі анықталды, ол достары пранк ұйымдастырғанын айтты. Сонымен қатар, ер адам ешкімге шағымы жоқ екенін түсіндірді», – деп хабарлады қалалық полиция департаменті.
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.