Оны "Iteca" көрме компаниясы Орталық Азияның аймақтық экологиялық орталығы, Қазақстандық тұрақты дамуға арналған табиғат пайдаланушылар қауымдастығы мен Мұнай-газ саласындағы заңгерлер қауымдастығымен ынтымақтаса отырып ұйымдастырды. Биыл алтыншы рет өтіп жатқан экотехнологиялар мен экоқызметтердің "ЕcоТech -2010"көрмесі 2 қараша күні ашылған болатын. Ол бейсенбіге дейін жұмыс істемек.
Қоршаған ортаны қорғау вице-министрі Элдана Сәдуақасованың айтуынша, конференция жұмысына 100-ден астам делегат қатысуда. Конференцияның пленарлық мәжілістері - "ҚР Киот хаттамасына сәйкес міндеттемелері: мүмкіндіктер мен келешегі", "Ластаушы заттарды шығаруды қысқартуға арналған технологиялар мен тәжірибелер: мысалдар, нәтижелер, жетістіктер" деген тақырыптар бойынша жүріп жатыр.