АЛМАТЫ. ҚазАқпарат – Алматыда журналистер Владимир мен Наргиз Северный серіктестік басшысынан ақша бопсалады деген күдікке ілінді, деп хабарлйады ҚазАқпарат тілшісі.
Алматы қалалық Полиция департаментінің баспасөз қызметі мәлім еткендей, жағымсыз ақпараттардың жарияланбауы үшін ЖШС басшылығынан ақша бопсалаған ерлі-зайыпты журналистер ұсталды.
Олар қаражаттың бір бөлігін алу кезінде қолға түсті.
«Қазіргі таңда аталған деректің толық мән-жайын анықтау үшін жедел-тергеу іс-шаралары жүргізіліп жатыр. Нәтижесінде заңды процессуалдық шешім қабылданады»,- деп хабарлады ведомстводан.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.