Бұл туралы қалалық прокуратураның баспасөз қызметінен хабарлады.
«Мысалы, қаладағы түнгі клубтардың бірінің директоры жасаған шағым негізінде, ІІД Есірткіге қарсы күрес басқармасы мен шұғыл әрекет ету жасағы оның клубына автоматтармен баса-көктеп кіріп, тексеріс жасағандары анықталды. Ішкі істер департаменті Есірткіге қарсы күрес басқармасының басшыларына қатысты қылмыстық іс қозғалды», - делінген хабарламада.
Жалпы 2013 жылы қалалық прокуратура кәсіпкерлердің құқықтарын қорғау мақсатында 28 тексеріс жүргізген. Нәтижесінде 1300-ден астам заңбұзушылықтар тіркелген. Кәсіпкерлерге қатысты 464 жоспарлы тексеріс заңсыз деп танылды.
Сонымен қатар прокуратура кәсіпкерлердің ісіне заңсыз араласып, жұмысына кедергі келтірген фактілер бойынша 108 лауазымды тұлғаны жауапкершілікке тартты.