Биылғы жылы еліміздегі байырғы мәдениет мекемесі әлемнің әр түпкірінен - Қазақстан, Иран, Италия, Испания, Ресей, Тәжікстан, Румыния, Израиль елдерінен 13 театрды қарсылайды. Қазылар алқасының құрамында атақты өнер қайраткерлері бар: Мигель Аррече - Толос қаласындағы TITIRIJAI Халықаралық қуыршақ фестивалінің негізін қалаушы және тең басшысы; Ханс Хартвич-Мадсен - Даниядағы UNIMA президенті; Марек Журавский - музыкант, композитор; Станислав Дубков - Омбы мемлекеттік қуыршақ театрының директоры, Ресейлік UNIMA орталығы кеңесінің мүшесі; Шара хедлайнері - Италиядан белгілі өнер шебері Гаспаре Насуто.
Карнаваль барысында барлығы он аталым бойынша, үздік актерлер ансамблі, спектакль, соның шінде балаларға арналған спектакль, көшедегі қойылым, режиссер, актер және актриса анықталады. Жүлделер - 500 АҚШ доллары және одан жоғары. Карнавальдың Гран-приі - 10 000 доллар.
01:52, 15 Қыркүйек 2013
Алматыда ІІІ Халықаралық қуыршақ фестивалі өтеді
АСТАНА. 15 қыркүйек. ҚазАқпарат - 15-21 қыркүйек аралығында Алматыда ІІІ Халықаралық қуыршақ карнавалы өтеді. Оның ашылуы бүгін ҚР тұңғыш Президенті саябағында карнавальдық шерумен басталады, оған барлық тілек білдірушілер қатыса алады, ал спектакльдер мемлекеттік қуыршақ театрында көрсетіледі.