Достық даңғылы мен Қабанбай батыр көшесінің қиылысында бірнеше көлік апаты орын алды. Audi A7-нің жүргізушісі Достық даңғылымен келе жатып, Mercedes-Benz W124 көлігімен түйіскен. Қатты соққыдан Mercedes-Benz W124 жол бойына тұраққа қойылған көліктерге қарай ұшып кетіп, тағы бір Mercedes-ті ұрды. Ал Audi көлігі соққыдан кейін айнала бастап, Lada Granta-ға соғылған, Lada Granta болса өзімен бірге Daewoo Nexia-ны іліп әкеткен. Апатқа куә болғандардың айтуынша, Audi A7 жүргізушісі көлікті тастап, өзі белгісіз бағытта бой тасалаған. Жол апаты салдарынан Audi мен Mercedes-Benz жолаушылары зардап шекті.
12:11, 26 Желтоқсан 2016
Алматыда ірі жол апаты болды
АСТАНА. ҚазАқпарат - Алматыда Audi A7 автокөлігінің жүргізушісі ірі жол апатын жасағаннан кейін, оқиға орнынан бой тасалады, деп хабарлайды motor.kz.