Отырыс барысында қиын жағдайдағы жалғыз басты аналар мен әкелерге көмек көрсету мүмкіндіктері қарастырылды. Тиісті басқармалар мен аудан әкімдіктеріне жұмысқа орналасуға жәрдемдесу, оның ішінде мемлекеттік және салалық бағдарламалар аясында, сондай-ақ медициналық және білім беру қызметтерімен қамту бойынша шаралар қабылдау тапсырылды.
Бүгінде Үміт үйінде жаңа туған сәбилерден бастап, 7 жасқа дейінгі балалар уақытша тәрбиеленіп жатыр. Мекеме жұмыс істегелі мұнда 604 тәрбиеленуші оқытылды. Олардың мектепке дейінгі білім және тәрбие алуына физикалық, психологиялық және адамгершілік-рухани дамуын ескере отырып жағдай жасалған.