Алматыда қар жауды

АЛМАТЫ. ҚазАқпарат - Алматының тау бөктерінде жауын-шашынмен бірге қар жауды, деп хабарлайды ҚазАқпарат тілшісі.

Сәуірдің екінші жартысында қар жауғаны – Алматы үшін сирек құбылыс.

Тұрғындар әлеуметтік желіде фото мен видеоларын жариялады. Сондай-ақ Алматы облысының Талғар ауданында да қар жауды.

Бұған дейін Алматы қаласының төтенше жағдайлар департаменті «Қазгидрометтің» мәліметін ескере отырып 18 сәуір күні Алматыда күн суытып, қар жаууы мүмкін екенін хабарлаған болатын.

Түнгі уақытта ауа райының күрт салқындауына байланысты құтқарушылар тұрғын үйді газ плитасымен жылытпау, электр желілерді шамадан тыс пайдаланбау керектігін еске салды.