«Оқушылар біздің бастамамызға қызу қолдау көрсетіп, өз картиналарын тегін ұсынды. Оларды сатудан түскен ақша «Аяла» қорының «Арт-Терапия» жобасын жүзеге асыруға жұмсалады. Яғни, Қарағанды облысының Саран қаласында орналасқан, мүмкіндігі шектеулі балаларға арналған №5-ші облыстық мектеп-интернаттың бейнелеу өнері студиясын жабдықтауға жұмсалады», - деді «Аяла» қайырымдылық қорының вице-президенті Жангелді Сәрсенов.
Ұйымдастырушылардың айтуынша, егер бүгінгі қойылған жұмыстар жақсы сатылатын болса, онда оқушылар басқа да картиналарын ұсынуға дайын.
Айта кетелік, көрмеге 2-ші сыныптан бастап, 11-ші сынып аралығындағы оқушылардың картиналары қойылған. Жыл сайын өткізіліп тұратын бұл көрменің жұмысы 15 мамырға дейін созылады.