Алматыда «Қазақстан театрларындағы өзекті мәселелер» республикалық практикумы өтіп жатыр

АЛМАТЫ. Мамырдың 5-і. ҚазАқпарат /Таңжарық Ілиясұлы / - Бүгін Алматыдағы М.Әуезов атындағы мемлекеттік академиялық драма театрында Қазақстан театрларының өзекті мәселелеріне арналған 9-шы Республикалық практикум басталды,

деп хабарлайды ҚазАқпарат. ҚР Мәдениет және ақпарат министрлігінің ұйымдастыруымен өтіп жатқан кеңес барысында отандық және шетелдік мамандардың қатысуымен театрлар мен актерлер қауымы, репертуар, қазіргі драматургия сынды өзекті мәселелер талқыға түспек. Сондай-ақ театр мамандарының біліктілігін арттыру және мамандар арасында тәжірибе алмасу да көзделіп отыр. «Бүгінгі күнде біздегі 50-ге жуық театрдың барлығы өскелең талап деңгейіне сай емес. Бұлай бола берсек қоғамға масыл болуымыз да мүмкін. Сондықтан көрермендерге сапалы дүниелерді ұсынуымыз керек», - дейді Астанадағы Қ.Қуанышбаев атындағы театрдың директоры Еркін Жуасбек. Республикалык практикум мамырдың 7-іне дейін жалғасады.