АЛМАТЫ. ҚазАқпарат - Алматыда қалалық жолаушылар автобусы метро станциясының кіреберіс құрылымына соғылды, деп хабарлайды ҚазАқпарат тілшісі.
Жол апатының видеосы әлеуметтік желіде тарады.
«Қаскелең автобус паркі» ЖШС тасымалдаушы компаниясының мәліметінше, жол-көлік оқиғасы 28 желтоқсан күні таңғы уақытта Абай көшесінің бойында Ясауи мен Момышұлы аралығында болған.
«28 желтоқсанда таңғы сағат 7:30 шамасында №78 маршруттың жүргізушісі «Б. Момышұлы метробекетіне» кіреберістегі әйнек құрылымына соғылды . Зардап шеккендер жоқ»,- деп хабарлады компаниядан.
Автопарк басшылығы уәкілетті орган Алматы қалалық Полиция департаментінмен бірлесіп, қолданыстағы заңнама аясында шара қабылданатынын жеткізді.
Видеодан алынған кадр/instagram.com/kris_p_almata
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.