АЛМАТЫ. ҚазАқпарат – Алматыда үлкен жүк көлігі газ құбыры желісін қағып кетті, салдарынан 249 жеке үй газсыз қалды, деп хабарлайды ҚазАқпарат тілшісі.
«ҚазТрансГаз» АҚ баспасөз қызметінің хабарауынша, апат 23 қыркүйек күні Түрксіб ауданындағы «Қайрат» ықшамауданында болды.
«КамАЗ көлігі ДУ-108 мм орташа қысымды газ құбырына соғылды, нәтижесінде газ желісінің L-5м зақымданды. Сондықтан 249 тұрғын үйге берілетін құбырларға газ жіберу тоқтатылды», -деп хабарлады « ҚазТрансГаз Аймақ « АҚ баспасөз қызметі.
Жол-көлік оқиғасына қатысты арыз, Алматы қалалық Полиция департаментінің жол полициясына берілді.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.