Алматыда коронавирус жұқтырған 56 науқас жансақтау бөлімінде жатыр

АЛМАТЫ. ҚазАқпарат – Алматыда өткен тәулікте тағы 203 адам коронавирус жұқтырды. Оның 179-да - симптом бар, 29-да - ауру белгілері жоқ. Бұл туралы қалалық қоғамдық денсаулық сақтау басқармасынан мәлім етті, деп хабарлайды ҚазАқпарат тілшісі.

Жазылып шыққандар саны - 28 болса, 37 адам ауруханаға жаңадан түсті.

2 145 төсек-орындық инфекциялық стационарда 730 адам жатыр, оның ішінде 35 бала ем алып жатыр.

Жалпы реанимация және қарқынды терапия бөлімшесінде – 56 адам бар. 20 науқас жасанды тыныс алу аппаратына қосылған.

Инвазивті емес жасанды тыныс алу аппаратында 6 адам ем қабылдауды жалғастырып жатыр. High flow-да 14 аппарат жұмыс істейді.

Медициналық-санитариялық алғашқы көмек мобильді бригадаларының және Телемедицина орталығының амбулаториялық бақылауында 2 011 науқас бар.

Оның ішінде жеңіл және орташа ауыр жағдайда – 1 852 науқас, симптомсыз 159 науқас бар.