Алматыда лаңкестік актілер жоспарлаған радикалды топ мүшелері ұсталды
13:34, 11 Қазан 2016
АСТАНА. ҚазАқпарат - 10 қазан күні Алматыда Ұлттық қауіпсіздік комитетінің қызметкерлері құқық қорғау және арнайы орган қызметкерлеріне қатысты лаңкестік актілерді жоспарлаған радикалды топтың үш мүшесін ұстады, деп хабарлайды ҚазАқпарат.
Ұсталғандардан жарылғыш заттардың құрамдауыштары және детонаторлар, лаңкестікке үндейтін ұрандары бар діни-экстремистік материалдар тәркіленді, деп хабарлады ҚР ҰҚК баспасөз қызметінен.
Жыл басынан бері Алматы қ. ҰҚК органдары 29 радикалды тұлғалардың қылмыстық әрекетінің алдын алды. Жедел-іздестіру шаралары жалғасуда.