Спикердің сөзінше, жергілікті бюджеттен оқулықтар мен көркем әдебиетті сатып алуға 3,2 млрд астам теңге бөлінді.
«Биыл оқулықтар мен көркем әдебиеттерді сатып алуға 3,2 млрд астам теңгеге қаржыландыру көзделген. Бүгінгі таңда 11 баспамен 2 млрд теңгеге шарттар жасалды. Оқулықтарды жеткізу бойынша конкурстық рәсімдер аяқталды. Сонымен қатар, барлық 214 мемлекеттік мектеп үшін электронды оқулықтарға жазылу жалғасады», - деп атап өтті ол.
2023-2024 оқу жылында 303 мың оқушы 100 пайыз тегін оқулықтармен және оқу-әдістемелік құралдармен қамтамасыз етіледі. Қазіргі уақытта оқулықтарды сатып алу рәсімдері жүріп жатыр.
Авторы: Бақдәулет Сералы