деп хабарлайды ҚазАқпарат.
Бұл шара жыл сайын дәстүрлі түрде өткізіліп келеді. Шараның мақсаты жағдайы төмен отбасыларға әлеуметтік көмек көрсету, балаларының оқуға деген ынтасын арттыру.
«Аудан бойынша 7 аймақтан 1500 бала әлеуметтік көмекке мұқтаж есебінде тізімге алынды. Бүгінге дейін 500 баланы оқу құрал-жабдықтарымен қамтамасыз етіп үлгердік. Бұл акция негізінен қыркүйектің аяғына дейін жалғасуы керек болған. Бірақ біз оқу басталған соң балаларға кедергі болмасын деп тамыздың 31-не дейін бітіруді көздеп отырмыз», деді Бостандық ауданы әкімінің орынбасары Болат Ағыбаев.
Бұдан бұрын акция № 105 және №138-ші мектептерде өткізілген еді. Шара барысында №22, №140, №65, №94-ші мектептерден келген 100 оқушыға оқуға қажетті құрал-жабдықтар салынған сөмкелер табысталды. Қайырымдылық акциясы келесі аптада Орбита ықшам ауданындағы №60-шы мектепте жалғасады деп жоспарланған.