АЛМАТЫ. 5 маусым. ҚазАқпарат - Бүгін Алматыдағы Әл-Фараби атындағы Қазақ ұлттық университетінің Халықаралық қатынастар факультетінде неміс зерттеулер орталығы ашылды.
Оған Германия тарапынан Қазақстандағы ГФР Елшілігі мен консулдығының өкілдері, Гете институтының, Эберт атындағы қордың және сауда-экономикалық фирмалар мен өнеркәсіп орындарының өкілдері қатысты. Ал Қазақстан жағынан ғалымдар мен сарапшылар, неміс тілінде тереңдетілген білім берілетін орта мектептер мен жоғарғы оқу орындарының оқытушылары қатысты.
Мұндай орталықтар бұған дейін өзге елдердің түрлі жоғары оқу орындарында ашылған болатын. Енді олардың қатарына әл-Фараби атындағы Қазақ ұлттық университеті қосылып отыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).