Алматыда отшашу салдарынан пәтер балконы өртенді
11:10, 01 Қаңтар 2016
АЛМАТЫ. ҚазАқпарат - Алматыда жаңажылдық отшашу салдарынан тұрғын үйдің үшінші қабатындағы пәтер балконы өртенді.
instavideo_kaz инстаграм-аккаунтында бес қабатты үйдің бірінің пәтерінде болған өрттің бейнежазбасы пайда болды. Видеоның түсініктемесінде өрттің сағат 00.00-00.30 аралығында Алмагүл шағынауданында болғаны туралы хабарланады. Өрт балконға ұшып түскен пиротехника салдарынан басталды.
Оқиғаның басқа мән-жайлары хабарланған жоқ.