Алматыда республикалық телеарналардың таралуы қалпына келтірілді
14:11, 15 Наурыз 2016
АСТАНА. ҚазАқпарат - Алматыда аналогтық желінің таралуы қалпына келтірілді, деп хабарлайды ҚР ИДМ БААК баспасөз қызметінен.
Телевизиялық және радиобағдарламалар сигналдарының жоғалуына 2016 жылдың 15 науырызында Алматы қаласындағы радио және теледидар станциясының электр жабдықтау жүйесі жұмысында туындаған ақаулықтар себеп болды. Қазіргі уақытта аналогтық хабар тарату желісінің және бірінші мультиплекстің (республикалық арналар) жұмысы жаңартылды. Қалған телеарналардың таралуы жақын арада қалпына келтіріледі.