Естеріңізге сала кетсек, өткен аптада 55 жағдай тіркелген болатын. Сальмонеллез ауруына шалдығу 20 пайызға (17 жағдайға) төмендеген. Ал жабайы сауда орындарынан сатып алынған азық-түліктерден улану 9 пайызға (6 жағдайға) азайған. Қоғамдық тамақтану орындарына байланысты ішек инфекциясымен жаппай ауру жағдайы тіркелмеген.
Бұнымен қатар, Алматы қалалық Санитарлық- эпидемиологиялық қадағалау департаменті сауда орындарына рейд жүргізген. Соның барысында өткен аптада заңсыз жұмыс істеген 11 дүңгіршек анықталған. Рейд барысында сонымен қатар 23 жабайы сауда орындары мен 72 жайма базар нүктелерінің көзі жойылып, таратылған. Рейд жұмыстары сондай-ақ қала базарларының айналасында да жүргізілген.