Алматыда «Шымбұлақ» тау-шаңғы шипажайында ҰОС ардагерлеріне арналған мерекелік шара өтті
Алдымен қатысушыларға мерекелік дастарқан жайылды. Кейін қалада белсенді өнерпаз ардагерлерден құралған ансабльдің концерті болды.
«Бүгінгі таңда Медеу ауданында 132 соғыс ардагері және Ленинград қоршауын бастан өткізген 3 мыңнан астам өмір сүреді. Олардың барлығына лайықты әлеуметтік көмек көрсетіледі. Енді жыл аяғына дейін кәсіпкерлердің демеушілігімен ардагерлерге арналған тағы бірқатар шаралар өткізіледі»6 - деді аудан әкімінің орынбасары Берік Сағынбеков.
«Мен Ақмола облысының тумасымын. 1943 жылы әскерге шақырылғанда 18 жаста болатынмын. Біз қазір Қазақстанда өмір сүріп жатқанымызға бақыттымыз. Елбасының бізге жасап жатқан қамқорлығына шексіз ризамыз. Жастар әлеуметтік тұрақтылықтың қажырлы еңбекпен келетіндігін түсінулері керек. Сондықтан, елімізде бейбітшілік пен ұлтаралық татулықты нығайтуға барынша күш салуға тиіспіз», - деді ҰОС ардагері Иван Пасюк.
Ұлы Отан соғысы ардагерлерінің көпшілігі «Медеу» мен «Шымбұлақ» арасындағы аспалы жолмен бірінші рет жүргендерін жасырмады.
Қатысушылар шара барысында «Шымбұлақ» кешенін тегіс аралап, тамашалады. Шара соңында барлық қонақтарға естелік сыйлықтар мен грамоталар табыс етілді.
Бұл шараны Медеу аудандық әкімдігі мен «Нұр Отан» партиясының Алматы қаласындағы филиалы ұйымдастырды.