АЛМАТЫ. ҚазАқпарат – 14 қазанда тергеу изоляторынан сотталған адам қашып кетті. Қылмыстық-атқару жүйесі департаменті мен Алматы қалалық полиция департаменті жедел-іздестіру шараларын ұйымдастырды, деп хабарлайды ҚазАқпарат тілшісі.
«Аталған факті бойынша Алматы қалалық полиция департаменті Қылмыстық кодекстің 426-бабы (Бас бостандығынан айыру орындарынан, қамаудан қашу) бойынша сотқа дейінгі тергеу жүргізіп жатыр. Қазақстан Республикасының Қылмыстық-процестік кодексінің талаптарына сәйкес тергеудің өзге мәліметтері жария етілмейді»,-деп хабарлады Қылмыстық атқару жүйесі комитетінің баспасөз қызметі.
Қазіргі таңда Алматы қаласы бойынша ҚАЖД қызметтік тексеруді бастады.
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.