Қазіргі таңда Алматы тұрғындарының сумен қамту қызметі үшін қарызы 158 млн. теңгені құрап отыр. Оның ішінде заңды тұлғалардың қарызы - 50, жеке тұтынушылардың қарызы - 108 млн. теңге.
Ал, кәріз жүйесіне Алматы тұтынушылары 157 млн. теңге қарыз.
«Алматыда су мен кәріз жүйесіне борышкер 262 тұтынушының ісі сотқа жіберілді. Жыл басынан бері борышкер заңды тұлғалардың мекен-жайларына қарызды төлеу қажеттігі туралы 1500 ескерту, 8280 телефонограмма жіберілді», - деді ол.
Сәуір-мамыр айларында суық су мен кәріз жүйесінен 609 заңды тұлға, 549 жеке үй, жыл басынан бері 1114 пәтер кәріз жүйесінен ажыратылды.