АЛМАТЫ. ҚазАқпарат – Алматыда ЛА-155/18 мекемесінен қашып, ұсталған қылмыскер екі айға қамауға алынды, деп хабарлайды ҚазАқпарат тілшісі.
«Алматы қаласының мамандандырылған ауданаралық тергеу сотының хабарлауынша, 2022 жылғы 16 қазанда сот қаулысымен тергеу органдарының С-ға қатысты қамауда ұстау түріндегі бұлтартпау шарасын 2 ай мерзімге санкциялау туралы өтініші қанағаттандырылды», - деп хабарлады Алматы қалалық сотының баспасөз қызметі.
Еске салсақ, 14 қазанда тергеу изоляторынан сотталған адам қашып кеткен болатын.
Кейін оның қаладағы «Қарасу» шағынауданында ұсталғанын хабарлаған болатынбыз.
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.