АЛМАТЫ. ҚазАқпарат – Бүгін тұманнан жолдың нашар көрінуіне байланысты Алматы халықаралық әуежайында екі рейс кешіктірілді. Бұл туралы әуежайдың баспасөз қызметі мәлім етті, деп хабарлайды ҚазАқпарат тілшісі.
«Сағат 8:20-да ұшуы тиіс болған «Южный ветер» әуе компаниясының 3101 Алматы-Балқаш рейсі сағат 10:02-де ұшты. Сондай-ақ, сағат 8:40-та ұшуы тиіс болған 821 Алматы-Мәскеу рейсі сағат 9:47-де ұшты»,- делінеді әуежай хабарламасында.
Еске салсақ, Қазгидромет бүгін Алматы қаласында ауа райы бұлтты, түнде жаңбыр жауатынын мәлімдеді. Сондай-ақ, түнде және таңертең тұман түсуі мүмкін екенін хабарлаған болатын.
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.