«Түнде көктайғаққа қарсы тиісті шаралар қабылданып, жолға 2650 тонна материалдар себілді. Оған 630 арнайы техника жұмылдырылды, оның ішінде 234 құмсепкіш техникасы бар. 1907 жұмысшы қар тазалады»,- делінген қалалық коммуналдық қызметтің хабарламасында.
Қазіргі уақытта тротуарларды, жаяу жүргіншілер аймақтарын, қоғамдық көлік аялдамаларын, автотұрақ «қалталарын», жер үсті өткелдерін, саябақтар мен скверлерді қардан тазарту жұмыстары жүріп жатыр. Сағат 9. 00-ден бастап жол полициясы патрульдік машиналарының еріп жүруімен қар тазалайтын колонналар ұйымдастырылды.
Казгидрометтің болжауы бойынша бүгін ауа температурасы күндіз минус 2 градусқа дейін болады, қар кешке қарай тоқтайды.