АСТАНА. ҚазАқпарат – Кейбір БАҚ беттерінде Алматының әуежайында ұшақтан өрт шықты деген ақпарат тарады. Азаматтық авиация комитеті дерекке қатысты ресми түсінік берді, деп хабарлайды ҚазАқпарат тілшісі.
«Air Astana әуе компаниясының ұшағына қатысты бұқаралық ақпарат құралдарындағы ақпарат бойынша Алматы әуежайында өрттің болмағанын хабарлаймыз.
Алматы халықаралық әуежайының ақпаратына сәйкес, регламенттік жұмыстарды жүргізу кезінде қосалқы күш қондырғысының жұмысынан түтін шыққан», - делінген авиация комитетінің хабарламасында.
Ресми хабарламада айтылғандай, әуежай штаттық режимде жұмыс істеп тұр.
Дәулет Ізтілеу
Ы.Алтынсарин атындағы Арқалық мемлекеттік педагогикалық институтының түлегі. Бұған дейін "Қазконтент" АҚ e-history порталында тілші, "Елорда инфо" ақпарат порталында тілші болған. 2018 жылдан бері Kazinform халықаралық ақпарат агенттігінің тілшісі.