Дәстүрлі түрде өтетін веложарысқа қала әкімі Ахметжан Есімов те қатысты. Бір айта кетерлігі, ол велосипед жарысын нағыз насихаттаушылар мен осындай іс-шараларды өткізушілердің бірі. Мұндай веложарыс өткен сайын оған қатысушы алматылықтардың қатары да өсуде. Сонымен қатар велосипедті көлік ретінде пайдаланушылардың саны да ұлғаюда.
Жарыс әл-Фараби даңғылы мен Тәттімбет көшесінің қиылысында басталып, ҚР тұңғыш Президентінің саябағы алдындағы алаңда аяқталады. Сондай-ақ веложарыстың жеңімпаздары түрлі аталымдар бойынша марапатталып, сыйлықтарға ие болды.
Аталмыш шараның ұйымдастырушысы - Алматы қаласы әкімдігінің туризм, денешынықтыру және спорт басқармасы.