Қазақстан Суретшілер одағы галереясы мен "Ұлар" арт-агенттігінің ұйымдастыруымен өтетін көрмеге жас суретшілер - Дана Ағалеуова мен Василий Дергачевтің кескіндеме, графика, фотосурет, қуыршақ ісі техникаларымен дайындалған туындылары, сондай-ақ, Жаңа жыл мерекесіне арнайы дайындалған арт-сыйлықтар қойылады. Келушілер қазақстандық жас суретшілердің өнер туындыларын тамашалап қана қоймай, сыйлықтарды сатып ала алады. Өнерсүйер қауым назарына сондай-ақ, жас музыкалық топтардың концерті ұсынылады.
Ұйымдастырушылардың айтуынша, "Vielleicht" көрмесі - бұл барлық қазақстандық өнерсүйер қауымының құттықтауы болып табылады.
Көрмеге кіру тегін.