Сенбілікке «Жасыл ел» жасақтары құрамындағы студенттер, жастар ұйымдарының белсенді мүшелері қатысты. Олар 28 панфиловшылар саябағындағы ескерткіштерді тазалап, ардагерлермен кездесу өткізді.
«Бүгінгі шара бір мезетте төрт қалада - Астана, Алматы, Шымкент және Ақтөбе қалаларында республикалық деңгейде өтіп жатыр. Саябақ ішін, ескерткіштерді тазалау сәуірдің 10-нан басталған болатын. Біз әр сенбі сайын сенбілікке шығып, осындай шаралар арқылы ардагерлерімізге деген өз құрметімізді көрсеткіміз келеді. Біз үшін тарихымызды білу міндет. Соғыс туралы ардагерлеріміздің өздерінен есту біз үшін қызықты. Сондықтан бүгінгі шара алдында ардагерлермен кездесу өткізіп, сұхбат жасап, сый-құрметімізді көрсеттік», деді Алматы қаласының «Жасыл ел» жастар жасағының жетекшісі Сәулет Әлімбетов.