Алматыда жекеменшік тұрғын үйдің қасындағы шаруашылық құрылысы өртенді

АСТАНА. 16 тамыз. ҚазАқпарат - Алматы қаласының Алатау ауданында 15 тамыз күні сағат 03:17-де жекеменшік тұрғын үйдің ауласында өрт болды.

ҚР ТЖМ-нің баспасөз қызметінен хабаралағандай, мұнда шаруашылық құрылыстары өртенді. Өрт екі сағаттан кейін толық сөндірілді. Онымен күреске ҚР ТЖМ Алматы қалалық ТЖД-нің өрт сөндіру қызметіндегі жеке құрамның 26 адамы мен 6 техникасы жұмылдырылды. Өрт аумағы 100 шаршы метрді құрады.

ТЖ орнынан термиялық күйіктер алған 61 жастағы ер адам ауруханаға жеткізілді.