АЛМАТЫ. ҚазАқпарат – Алматыда әл-Фараби даңғылының бойында жоғары жылдамдықпен келе жатып, көлікке соқтығысқан мопед жүргізушісінің жағдайы ауыр, деп хабарлайды ҚазАқпарат тілшісі.
«Мопед жүргізушісі полижарақатпен орталық қалалық клиникалық ауруханаға жеткізілді. Оған травматикалық 2-дәрежелі шок диагнозы қойылды. Науқас шұғыл түрде жансақтау бөліміне жатқызылды. Жағдайы бүгінгі күні тұрақты және ауыр», - деді Алматы қалалық қоғамдық денсаулық сақтау басқармасының баспасөз қызметінен.
Жантүршігерлік жол апаты 30 шілде күні болған. Оның видеосы әлеуметтік желіде тараған еді.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.