Алматыда жолаушылары бар автобус ағашқа соғылды
18:08, 11 Қаңтар 2018
АЛМАТЫ. ҚазАқпарат - Алматыда жолаушылар автобусы ағашқа соғылып, бірнеше жолаушы жарақат алды, деп хабарлайды ҚазАқпарат тілшісі.
Қоғамдық көлік апаты Төлеби көшесінің бойында Мұқанов пен Шагабутдинов көшелерінің арасында болды.
Оқиғаға куәгерлерінің айтуынша, ортаңғы жолда келе жатқан Mitsubishi Lancerдің алдындағы көлік кенет тоқтаған соң жүргізуші оңға бұрылған. Сол сәтте жолдың ең шетінде өз жолағымен келе жатқан №119 автобус жүргізушісі қақтығыстан қашамын деп жол шетіндегі ағашқа барып соғылған.
Нақты қанша адам зардап шеккені белгісіз. Оқиға куәгерлері кемінде 5 жолаушы жарақаттанды дейді.