Дәрігердің айтуынша, өткен аптада Алматыда ЖРВИ, тұмау ауруларының 19 394 жағдайы тіркелді.
«100 мың тұрғынға шаққандағы көрсеткіш 906,71 адамды құрайды. Сондай-ақ, бұл алдыңғы аптамен салыстырғанда 9,1%-ға, өткен жылдың сәйкес кезеңімен салыстырғанда 1,6 есе өскенін көрсетті. Ауруға шалдыққан балалар саны 70,6% құрайды», - деді дәрігер.Эпидемиологиялық маусым басталғаннан бері, яғни, 2022 жылдың 1 қазанынан 2023 жылдың 8 ақпанына дейін қалада ЖРВИ-мен 395 595 адам ауырды. 100 мың тұрғынға шаққандағы көрсеткіші – 18 494,86-ны құрады және өткен жылдың ұқсас кезеңіндегі көрсеткіштен 22,8%-ға жоғары.
«Қалада тұмаумен сырқаттанғандар саны 244 адам, оның ішінде В турімен- 119, А/H1N1pdm-09 түрімен 122 және А/H3N2 түрімен 3 адам ауырды. Барлық науқастарға ем тағайындалды, қазір жағдайлары қанағаттанарлық.
Оның мәліметінше, қала бойынша эпидемияға дейінгі маусымда 2022 жылғы қыркүйектен бастап 1 желтоқсанға дейін тұмауға қарсы 224 706 адам егілген.
«Бұл қала халқының 10,5%-ын құрайды. Оның ішінде жергілікті бюджет есебінен 210 000 «тәуекел тобындағы» адам (100%), ақылы негізде жеке медициналық орталықтарда жұмыс берушілердің қаражатына 10 576 адам, өз қаражатына – 4130 адам егілді»,- деп хабарлады Алматы қаласының санитариялық-эпидемиологиялық бақылау департаменті басшысының орынбасары Әсел Қалықова.