Алматыда жыл басынан бері «Бизнестің жол картасы» аясында 249 жобаға қолдау көрсетілді
Алматыда оның қатысуымен «Мемлекет басшысының Жолдауын жүзеге асыру. Қазақстан жаңа жаһандық кезеңде: өсім, реформа, даму. IV бағыт» БЖК-2020, 2015-2019 жылдарға арналған ҚР Индустриялық-инновациялық даму бағдарламасы» атты тақырыпта баспасөз мәслихаты өтті.
Алматы қаласының өңірлік коммуникация қызметінің алаңында спикер шағын және орта бизнес, сауда, қызмет көрсету саласының шешуші көрсеткіштері мен мегаполистің индустриалды-инновациялық дамуы туралы баяндады.
Алмас Мәдиев шағын және орта бизнес нысандарының саны өсіп отырғандығын атап өтті. Оның мәліметтері бойынша, Алматыда 240 мың шағын және орта бизнес нысаны тіркелген. ШОБ өңірлік ішкі жалпы өнімнің 34 пайызын қамтып отыр және онда алматылық 10 адамның 6-уы жұмыспен қамтылған. Бизнестің дамуына қаржылық және қаржылық емес мемлекеттік қолдаулар ықпал етіп отыр. Қаржылық емес қолдаулардың аясында Назарбаев Университетінде 60 кәсіпкер оқытылды, 5 мыңнан астам адамға сервистік қызметтер ұсынылды.
«Бізге кәсіпкерлердің құқықтық сауаттылығы мен ақпараттармен қамтамасыз етілуін жетілдіру керек. Прокуратура органдарымен білесе отырып, біз шағын және орта бизнесті дамытудың кешенді жоспарын дайындадық. Біз бұл жоспарға сәйкес, кәсіпкерлердің өнімдері мен оны несиелендіру көлемін арттыруды жоспарлап отырмыз. Жалып алғанда бұл бағытта қажетті бағыттардың барлығы қамтылған. Біз алдыға міндеттерді қойдық, оның нәтижесі де жоқ емес. Өткен жылмен салыстырғанда, шағын және орта бизнес өнімдерінің көлемі бірінші жартыжылдықта 25 пайызға артып, 1,8 трлн теңгені құрады. Ал, бизнеске бөлінетін несие көлемі 27 пайызға артып, 700 млрд теңгені құрады»,-деді Алмас Мәдиев.
Басқарма бастығы сонымен қатар бизнесті дамытудың тиімді құралы болып табылатын «Бизнестің жол картасы-2020» бағдарламасының қорытындылары туралы айтып берді.
Оған сәйкес, аталған бағдарлама жүзеге асырылған 10 айда 249 жобаға қолдау көрсетілген. Биылғы жылы республикалық бюджеттен 3,2 млрд теңге бөлінген.
«Біздің қаланың ерекшеліктеріне қарай «Жол картасының» аясында жобалардың барлығы бірдей қолдау таба бермейді. Осыған байланысты біз «Даму» қорымен бірге «Жібек жолы» атты өңірлік бағдарламаны іске қостық. Оның қорландыру көлемі 4 млрд долларды құрады. Аталған қаржы сауда, қызмет көрсету мен қоғамдық тамақтану салаларына бағытталды. Бұл бағытты сапаны жетілдіру үшін күшейту қажет»,-деді ол.
Алмас Мәдиевтің мәліметтерінше, «БЖК 2020» бағдарламасы аясындағы жобалар саны өткен жылмен салыстырғанда 2,5 есеге артып, олардың несие портфелі мен субсидиялар көлемі 2 есеге артты.
Бағдарламаны жүзеге асырудағы сәтті үлгілердің бірі ретінде «Мега Алматы» СОО аймағындағы «Happy eye» көріну шеңберін (колесо обозрения) мысалға келтіруге болады. Бұл жобаның Азия өңірінде теңдесі жоқ.
Сонымен қатар мемлекеттік қолдау аясында «Мәскеу» СОО Hilton қонақ үйі мен өзге де көптеген қонақ үйлер салынуда.
«Үкімет қабылдаған Қызмет көрсету саласын 2020 жылға дейін тиімді дамыту жөніндегі бағдарлама мен әкімдік тарапынан атқарылған кең ауқымды жұмыстар әлемдік брэндтерді тартып, қызмет көрсету саласын жетілдіруге мүмкіндік берді. Осылайша, 28-ші қысғы Универсиада-2017 мен ЭКСПО-2017 шараларының алдында 100-ге жуық нысан іске қосылды. Жыл соңына дейін тағы 10-ын іске қосу көзделіп отыр. Hilton, Kempinski және Novotel сияқты әлемге танымал есімдердің қонақ үйлері ашылғалы отыр. Алматы нарығының жетістіктерін Starbucks, McDonald's, Ritz-Carlton сияқты атаулар да растап тұр»,-деп хабарлады Алмас Мәдиев.
«Шетелдік инвесторлар мен ретейлерлер Алматы нарығына кіруде»,- дейді басқарма бастығы.
2017 жылы шетелдік ретейлерлердің ірі дүкендерін іске қосу көзделген. Осылайша, халықаралық маркалардың ашылуы «100 нақты қадам» Ұлт жоспарының 56- қадамына сәйкес, бизнесті дамытуға бағытталған шаралардың нәтижесінде мүмкін болды. Бұған қоса, кәсіпкерлікті қолдау басқармасы тарапынан Кәсіпкерлікті қолдау картасына енгізілетін кәсіпорындар іздестірілуде. Кәсіпкерлікті қолдау картасына барлығы екінші бесжылдықта құны 175 млрд теңге болтын барлығы 80 жоба енгізіліп, оны жүзеге асыру барысында 11 мың жұмыс орны ашылған. 26 жоба іске қосылып үлгерді.
«Екінші бесжылдықта біріншісімен салыстырғанда жобалар саны 3 есеге артты. Жобалардың құны да 3 есеге көбейген. Оның жарқын дәлелі ретінде «Tokyo Rope Almaty» серіктестігін айтуға болады. Ол Мемлекет басшысының қатысуымен өткен телекөпір барысында іске қосылды. Бұл әлемде теңдесі жоқ кәсіпорын. Сонымен бірге Tokyo Rope мен Алматы әкімдігі бірігіп, Алматыдан Жапонияның іскерлік клубын және Индустриалды аймақта Жапонияның индустриалды паркін салу жөнінде меморандумға қол қойды»,-деді Алмас Мәдиев.